Khorshed Yasht

Khshnaothra Ahurahe Mazdão. Ashem Vohū 1. Pa nāme yazdan Ahura Mazda Khodāe awazūnī, gorje khoreh awazāyād. Khorshed amarg rayõmand aurvad-asp berasād. Az hamā gunāh patet pashemānum; az harvastin dushmata duzhukhta duzhvarshta, mem pa geti manīd, oem goft, oem kard, oem jast, oem būn būd ested. Az ān gunāh manashnī gavashnī kunashnī, tanī ravānī getī mīnōānĩ, okhe avākhsh pashemān, pa sē gavashnī pa patet hom. Khshnaothra Ahurahe Mazdāo, tarōidīte angrahe mainyēush; haithyāvarshtām hyat vasnā ferashōtemem. Staomi Ashem. Ashem Vohū 3.

Fravarāne Mazdayasnō Zarathushtrish vīdaēvō Ahura-tkaēshō (Gāh according to the period of the day) frasastayaēcha. Hvare-khshaētahe ameshahe raēvahe aurvat-aspahe, khshnaothra yasnāicha vahmāicha khshnaothrāicha frasastayaēcha, yathā Ahū Vairyō zaotā frā-me mrūte, athā ratush ashātchit hacha frā ashava vīdhvāo mraotū.

(1) Hvare-khshaētem ameshem raēm aurvat-aspem yazamaide. Āat yat hvare-raokhshni tāpayeiti, āat yathvare-raochō tāpayeiti, hishtenti mainyavāonghō yazatāonghō satemcha hazanghremcha; tat khvarenō hām-bārayeinti, tat khvarenō nipārayeinti, tat khvarenō bakhshenti zām paiti Ahuradhātām, frādhaticha ashahe gaēthāo, frādhaticha ashahe tanuye, frādhaticha hvare yat ameshem raēm aurvat-aspem.

(2) Āat yat hvare uzukhshyeiti, bvat zām Ahuradhātām yaoz- dāthrem, āpem tachintām yaozdāthrem, āpem khānyām yaozdāthrem, apem zrayanām yaozdāthrem, apem armaeshtām yaozdāthrem, bvat dāma ashava yaozdāthrem, yāo henti spentahe mainyēush. (3) Yedhi zi hvare nōit uzukhshyeiti, adha daēva vīspāo merenchinti, yāo henti haptō-karshvōhva nava chish mainyava yazata, anghava astvaiti paiti-drām, nōit paitishtām vidhenti.

(4) Yō yazaite hvare yat ameshem raēm aurvat-aspem, paitishtātēe temanghām, paitishtātēe temaschitthranām daēvanām, paitishtātēe tāyunāmcha hazajnāmcha, paitishtātēe yātunāmcha pairikanāmcha, paitishtātēe ithyejanghō marshaonahe, yazaite Ahurem Mazdām, yazaite Ameshe Spente, yazaite haom urvānem, khshnāvayeiti vīspe mainyavacha yazata gaēthyācha, yō yazaite hvare yat ameshem raēm aurvat-aspem. Yazāi Mithrem vouru-gaoyaoitīm hazanghra-gaoshem, baēvare- chashmanem; yazāi vazrem hunivikhtem kameredhe paiti daēvanām Mithrahe ouru-gaoyaoitōish, yazāi hakhedhremcha yat asti hakhedhranām vahishtem antare māonghemcha hvarecha. (6) Ahe raya khvarenanghacha, tem yazāi surunvata yasna hvare-khshaētem ameshem raēm aurvat-aspem zaothrābyō hvare-khshaētem ameshem raēm aurvat-aspem yazamaide.

Haomayō gava baresmana, hizvō-danghangha,

Mānthracha vachacha shyaothnacha,

Zaothrābyascha arshukhdhaēibyascha vāghzibyō.

Yenghe hātām āat yesne paiti vanghō

Mazdāo Ahurō vaēthā ashāt hachā,

yāonghāmchā tānschā tāoschā yazamaide.

(To recite in bāz) Hormazd Khodāe awazūnie mardum, mardum sardagān hamā sardagān, hambāyaste vehān, oem behedīn māzda yasnān āgāhī āstavānī nekī rasānad aedūn bād. (To recite aloud) Yathā

Ahū Vairyō 2. Yasnemcha vahmemcha aojascha zavarecha afrinami, hvare-khshaetahe ameshahe raevahe aurvat aspahe. Ashem Vohū 1.

Ahmāi raēscha; Hazanghrem; Jasa me Avanghe Mazda; Kerfeh Mozd.

Roz nek nām, roz pāk nām, roz mubārak (falān) māhe mubārak (falān), gāhe (falān) namāz dādāre gehān dāmān. Khshnaothra Ahurahe Mazdāo, tarōidīte angrahe mainyēush. Haithyāvarshtām hyat vasnā

ferashōtemem. Staomi ashem; Ashem Vohū 1.

Gorje khoreh awazāyād Khorshed amarg rayōmand aurvat-asp, berasād amāvand pirozgar amāvandīh pirozgarī. Dād dīn beh Māzdayasnān, āgāhī ravāi goāfarangānī bād hafte keshvar zamīn; aedūn bād. Man āno āvāyad shudan, man āno āvāyad shudan, man āno āvāyad shudan. Ashaone Ashem Vohū 1.

(Recite facing the South) Dādāre gehān dīne Māzdayasnī dāde Zarathushtī. Nemase-te ashāum sēvishte Aredvi Sura Anāhite. Ashaone Ashem Vohū 1.

Nemō urvaire vanguhi Mazdadhāte. Ashaone Ashem Vohū 1.

Hvare-khshaētem ameshem raēm aurvat-aspem yazamaide. Ashem Vohū 1.

Khorshed amarg rayōmand aurvat-asp berasad. Ashem Vohū 1.