Translations:Sarosh Dron/100/en

21.

𐬁𐬀𐬝⸱ 𐬛𐬍𐬱⸱ 𐬁𐬎𐬎𐬀𐬉𐬜𐬀𐬌𐬌𐬀𐬨𐬀𐬵𐬍⸱ 𐬃𐬢𐬵𐬅𐬨⸱ 𐬀𐬯𐬀𐬢𐬵𐬅𐬨𐬗𐬀⸱ 𐬴𐬋𐬌𐬚𐬭𐬀𐬥𐬅𐬨𐬗𐬀⸱ 𐬔𐬀𐬊𐬌𐬌𐬀𐬊𐬌𐬙𐬌𐬥𐬅𐬨𐬗𐬀⸱ 𐬨𐬀𐬉𐬚𐬀𐬥𐬀𐬥𐬅𐬨𐬗𐬀⸱ 𐬀𐬎𐬎𐬋⸱𐬓𐬀𐬭𐬆𐬥𐬀𐬥𐬅𐬨𐬗𐬀⸱ 𐬀𐬞𐬅𐬨𐬗𐬀⸱ 𐬰𐬆𐬨𐬅𐬨𐬗𐬀⸱ 𐬎𐬭𐬎𐬎𐬀𐬭𐬀𐬥𐬅𐬨𐬗𐬀⸱ 𐬀𐬌𐬣𐬵𐬃𐬯𐬗𐬀⸱ 𐬰𐬆𐬨𐬋⸱ 𐬀𐬎𐬎𐬀𐬌𐬣𐬵𐬈𐬗𐬀⸱ 𐬀𐬴𐬥𐬋⸱ 𐬬𐬁𐬙𐬀𐬵𐬈𐬗𐬀⸱ 𐬀𐬴𐬀𐬊𐬥𐬋⸱ 𐬯𐬙𐬭𐬅𐬨⸱ 𐬨𐬃𐬢𐬵𐬋⸱ 𐬵𐬏𐬭𐬋⸱ 𐬀𐬥𐬀𐬖𐬭𐬀𐬥𐬅𐬨⸱ 𐬭𐬀𐬊𐬗𐬀𐬢𐬵𐬅𐬨⸱ 𐬓𐬀𐬜𐬁𐬙𐬀𐬥𐬅𐬨⸱ 𐬬𐬍𐬯𐬞𐬀𐬥𐬅𐬨𐬗𐬀⸱ 𐬯𐬞𐬆𐬧𐬙𐬀𐬵𐬈⸱ 𐬨𐬀𐬌𐬥𐬌𐬌𐬇𐬎𐬱⸱ 𐬛𐬁𐬨𐬀𐬥𐬅𐬨⸱ 𐬀𐬴𐬀𐬊𐬥𐬅𐬨⸱ 𐬀𐬴𐬀𐬊𐬥𐬌𐬥𐬅𐬨𐬗𐬀⸱ 𐬀𐬴𐬀𐬵𐬈⸱ 𐬭𐬀𐬚𐬡𐬅𐬨⸱ 𐬫𐬀𐬯𐬥𐬁𐬌𐬗𐬀⸱ 𐬬𐬀𐬵𐬨𐬁𐬌𐬗𐬀⸱ 𐬑𐬴𐬥𐬀𐬊𐬚𐬭𐬁𐬌𐬗𐬀⸱ 𐬟𐬭𐬀𐬯𐬀𐬯𐬙𐬀𐬌𐬌𐬀𐬉𐬗𐬀⸱𐬾 ¹

21.

āat̰ dīš āuuaēδaiiamahī ā̊ŋhą̇m asaŋhą̇mca ṣ̌ōiθraną̇mca gaoiiaoitiną̇mca maēθananą̇mca auuō-xᵛarənaną̇mca apą̇mca zəmą̇mca uruuaraną̇mca aiŋ́hā̊sca zəmō auuaiŋ́heca aṣ̌nō vātaheca aṣ̌aonō strą̇m mā̊ŋhō hūrō anaγraną̇m raocaŋhą̇m xᵛaδātaną̇m vīspaną̇mca spəṇtahe mainiiə̄uš dāmaną̇m aṣ̌aoną̇m aṣ̌aoniną̇mca aṣ̌ahe raθβą̇m yasnāica vahmāica xṣ̌naoθrāica frasastaiiaēca. ¹