Translations:Sarosh Dron/90/en

16.

𐬁𐬀𐬝⸱ 𐬛𐬍𐬱⸱ 𐬁𐬎𐬎𐬀𐬉𐬜𐬀𐬌𐬌𐬀𐬨𐬀𐬵𐬍⸱ 𐬀𐬵𐬎𐬭𐬀𐬉𐬌𐬠𐬌𐬌𐬀⸱ 𐬨𐬌𐬚𐬭𐬀𐬉𐬌𐬠𐬌𐬌𐬀⸱ 𐬠𐬆𐬭𐬆𐬰𐬀𐬧𐬠𐬌𐬌𐬀⸱ 𐬀𐬌𐬚𐬌𐬌𐬀𐬘𐬀𐬢𐬵𐬀𐬉𐬌𐬠𐬌𐬌𐬀⸱ 𐬀𐬴𐬀𐬎𐬎𐬀𐬥𐬀𐬉𐬌𐬠𐬌𐬌𐬀⸱ 𐬯𐬙𐬁𐬭𐬅𐬨𐬗𐬀⸱ 𐬯𐬞𐬆𐬧𐬙𐬋⸱𐬨𐬀𐬌𐬥𐬌𐬌𐬀𐬎𐬎𐬀𐬥𐬅𐬨⸱ 𐬛𐬁𐬨𐬀𐬥𐬅𐬨⸱ 𐬙𐬌𐬱𐬙𐬭𐬌𐬌𐬈𐬵𐬈𐬗𐬀⸱ 𐬯𐬙𐬁𐬭𐬋⸱ 𐬭𐬀𐬉𐬎𐬎𐬀𐬙𐬋⸱ 𐬓𐬀𐬭𐬆𐬥𐬀𐬢𐬎𐬵𐬀𐬙𐬋⸱ 𐬨𐬃𐬢𐬵𐬀𐬵𐬈𐬗𐬀⸱ 𐬔𐬀𐬊𐬗𐬌𐬚𐬭𐬀𐬵𐬈⸱ 𐬵𐬎𐬎𐬀𐬭𐬆𐬗𐬀⸱ 𐬑𐬴𐬀𐬉𐬙𐬀𐬵𐬈⸱ 𐬀𐬎𐬭𐬎𐬎𐬀𐬝⸱𐬀𐬯𐬞𐬀𐬵𐬈⸱ 𐬛𐬋𐬌𐬚𐬭𐬀𐬵𐬈⸱ 𐬀𐬵𐬎𐬭𐬀𐬵𐬈⸱ 𐬨𐬀𐬰𐬛𐬃⸱ 𐬨𐬌𐬚𐬭𐬀𐬵𐬈⸱ 𐬛𐬁𐬒𐬌𐬌𐬎𐬥𐬅𐬨⸱ 𐬛𐬀𐬌𐬣𐬵𐬎𐬞𐬀𐬙𐬋𐬌𐬱⸱𐬼 ¹

𐬫𐬀𐬯𐬥𐬁𐬌𐬗𐬀⸱ 𐬬𐬀𐬵𐬨𐬁𐬌𐬗𐬀⸱ 𐬑𐬴𐬥𐬀𐬊𐬚𐬭𐬁𐬌𐬗𐬀⸱ 𐬟𐬭𐬀𐬯𐬀𐬯𐬙𐬀𐬌𐬌𐬀𐬉𐬗𐬀⸱𐬼 ²

𐬁𐬀𐬝⸱ 𐬛𐬍𐬱⸱ 𐬁𐬎𐬎𐬀𐬉𐬜𐬀𐬌𐬌𐬀𐬨𐬀𐬵𐬍⸱ 𐬹𐬭𐬋𐬰⸱𐬹 𐬀𐬵𐬎𐬭𐬀𐬵𐬈⸱ 𐬨𐬀𐬰𐬛𐬃⸱ 𐬭𐬀𐬉𐬎𐬎𐬀𐬙𐬋⸱ 𐬓𐬀𐬭𐬆𐬥𐬀𐬢𐬎𐬵𐬀𐬙𐬋⸱ 𐬫𐬀𐬯𐬥𐬁𐬌𐬗𐬀⸱ 𐬬𐬀𐬵𐬨𐬁𐬌𐬗𐬀⸱ 𐬑𐬴𐬥𐬀𐬊𐬚𐬭𐬁𐬌𐬗𐬀⸱ 𐬟𐬭𐬀𐬯𐬀𐬯𐬙𐬀𐬌𐬌𐬀𐬉𐬗𐬀⸱𐬼 ³

𐬁𐬀𐬝⸱ 𐬛𐬍𐬱⸱ 𐬁𐬎𐬎𐬀𐬉𐬜𐬀𐬌𐬌𐬀𐬨𐬀𐬵𐬍⸱ 𐬹𐬨𐬁𐬵⸱𐬹 𐬀𐬴𐬁𐬎𐬥𐬅𐬨⸱ 𐬟𐬭𐬀𐬎𐬎𐬀𐬴𐬌𐬥𐬅𐬨⸱ 𐬫𐬀𐬯𐬥𐬁𐬌𐬗𐬀⸱ 𐬬𐬀𐬵𐬨𐬁𐬌𐬗𐬀⸱ 𐬑𐬴𐬥𐬀𐬊𐬚𐬭𐬁𐬌𐬗𐬀⸱ 𐬟𐬭𐬀𐬯𐬀𐬯𐬙𐬀𐬌𐬌𐬀𐬉𐬗𐬀⸱𐬾 ⁴

16.

āat̰ dīš āuuaēδaiiamahī ahuraēibiia miθraēibiia bərəzaṇbiia aiθiiajaŋhaēibiia aṣ̌auuanaēibiia stārą̇mca spəṇtō-mainiiauuaną̇m dāmaną̇m tištriieheca stārō raēuuatō xᵛarənaŋuhatō mā̊ŋhaheca gaociθrahe huuarəca xṣ̌aētahe auruuat̰-aspahe dōiθrahe ahurahe mazdā̊ miθrahe dāx́iiuną̇m daiŋ́hupatōiš; ¹

yasnāica vahmāica xṣ̌naoθrāica frasastaiiaēca; ²

āat̰ dīš āuuaēδaiiamahī rōz ahurahe mazdā̊ raēuuatō xᵛarənaŋuhatō yasnāica vahmāica xṣ̌naoθrāica frasastaiiaēca; ³

āat̰ dīš āuuaēδaiiamahī māh aṣ̌āuną̇m frauuaṣ̌iną̇m yasnāica vahmāica xṣ̌naoθrāica frasastaiiaēca. ⁴